Arratzua-Ubarrundiako Gazte Eguna
2024/09/03
Udaleko Gazteria Zinegotzigoak, udalerriko gazteen laguntzarekin, Gazte Eguna antolatu du lehen aldiz, hainbat ekintzekin.
Irailaren 14an izango da, larunbatean, Uribarri Ganboan.
Eguna umeentzako ginkana batekin hasiko da, 11:00etan, 5 eta 14 urte bitarteko umeentzat. (Ez da beharrezkoa aurrez izena ematea)
Ondoren herri kirolen erakustaldia. Fardoa, ingudea, aizkora, enborra aitzurrarekin moztea, txingak, trontza eta fardo jaurtiketa egongo dira. Erakustaldia amaitutakoan, interesa dutenek parte hartu ahal izango dute.
Trikipoteoaren ostean, herri bazkaria antolatu da, 14:30ean. Bazkarirako izena eman behar da irailaren 10a baino lehen. (15 €)
Bazkalostean, bingoa, magia, dantza plaza eta berbena izango dira.
