Batu EGUNEAN BEHINen Arratzua-Ubarrundiako taldera!
2024/05/08
Tribial estiloko galdera-erantzunen jokoa ezaguna da Egunean Behin. Egunean behin partida bakarra jokatzeko aukera izango duzu. 10 galdera erantzun beharko dituzu, ahalik eta azkarren. Zenbat eta gehiago asmatu, zenbat eta azkarrago asmatu, hobeto! Gainera, ondo moldatuz gero, sari bikainak jasotzeko aukera ere badago...
Jokatzeko, aplikazioa jaitsi beharra dago mugikorrera: hemen klik egitea besterik ez duzu. Ondoren, begiratu, probatu, eta hasi jokoan. Zorte on!
Norbanako moduan parte hartzeko aukeraz gain, taldean ere parte hartzeko aukera dago. Eta, horregatik, jokoaren 15. denboraldia hasi dela aprobetxatuta, Arratzua-Ubarrundiako Egunean behin taldea sortu dugu. Beraz, udalerrian bizi bazara, eta Egunean behin-en jokatzen baduzu, edo jokatzeko asmoa baduzu, eman izena lotura honetan:
https://eguneanbehin.eus/taldearen-giltza=35551E
Denboraldiaren amaieran, lehenengo sailkatuak 50€ko Elkarreko bono bat jasoko du. Beraz, animatu eta eman izena!!
Oharrak:
- Taldeko parte-hartzaileek Arratzua-Ubarrundian izan behar dute bizilekua.
- Bonoaren lehiaketan sartzeko, datorren astelehenetik (maiatzak 13) aurrerako partidak hartuko dira kontuan. Uztailaren 14an bukatuko da denboraldia, eta orduan izendatuko da irabazlea.