Udal zabalkunderako sare lokala

Egunez-egun teknologia berriak (Internet, posta elektronikoa, e.a.) areagotu eta Arrazua Ubarrundiako biztanleen artean eskuragarriago bihurtu direla jakin badakigunez, Arrazua Ubarrundiako Udalak udal zabalkunderako eta, zergatik ez, herritarrekin harremanak bideratzeko bide berriak urratzeko beharra sumatu du.

Aipatu bide berri horri Udal Zabalkunderako Sare Lokala izendapena eman diogu eta modu honetan zehaztu:

Eskaria egiten duen herritar oro Udalarekin informazio-sare batera KONEKTATU nahi dugu.

Zer da egin nahi duguna?

Egun erabili ohi ditugun informazio-bideen (txartelak, postontzia, Horkonpon, e.a.) osagarri izango den baliabide berria sortzea. Esan nahi baita, Sare honek ez dituela erabili ohi ditugun horiek guztiak ezabatu nahi, baizik eta herri-erakundeak kaleratzen duen informazioa azkartu.

Zergaitik egin nahi dugu?

• Teknologia berriak udal bizitzan txertatu behar ditugulako.
• Informazioaren zabalkundea azkartzea dakarrelako.
• Teknologia berrietara herritarren sarbidea bultzatu nahi dugulako.
• Informazioa zabaldu, nahi dugulako, hau da, INFORMATU.

Nork egin dezake Sarerako eskabidea?

• 18 urtetik gorako interesa duen pertsona oro (erroldatuta egon ala ez).
• Osagarri gisa, erakundeek, Ikastetxeek, elkarteek, dendek etb.ere parte har dezakete

Parte hartzea sustatzeko lehen deialdi honen ondoren, izena emateko asmoa duten pertsona nahiz erakundeek Udal Bulegoetan aurkez ditzakete beren eskabideak.

Nola aurkez daiteke eskabidea?

Udal Sarean sartzeko orria banatuko die hurbiltzen zaizkion herritar guztiei. Orri honetan, norberaren datuak, posta elektronikoa, eta informazioa bidaltzeko baimena luzatu beharko dira. Jakina denez, datu horiek beren eskumenetan eta adostasunean babestutako udal-tratamendu batean sartuko dira, eta Datu Pertsonalak Babesteko eta Eskubide Digitalak Bermatzeko abenduaren 5eko 3/2018 Lege Organikoa errespetatuko dute.

Zein motako informazioa eskainiko du Sareak?

Herri-erakundea iturri duten gai desberdinei buruzko interes orokorreko informazio guztia –kirolak, kultura, ikastaroak, musika, herriko berriak, elkarteen egitarauak, iragarkiak, oharrak, enplegua, antzerkia, jaiegitaraua eta abar luzea.- baita inguruko udalerriei edota elkarteei buruzkoa ere..